Las lavurs vid il project Center Fontauna han entschiet

·

Varga in onn e miez suenter che las votantas ed ils votants da Mustér han approbau il credit per la valurisaziun dil Center Fontauna (CF) han las lavurs da baghegiar persuenter entschiet. Duront ils proxims biebein dus onns ei il Center Fontauna in plazzal, mo tuttina stat la gronda part dallas purschidas dil CF accessiblas.

Per ina vischnaunca sco Mustér ei ina investiziun da 10,6 milliuns francs ina summa immensa. Igl ei il pli grondproject dalla vischnaunca pils proxims onns. «L’investiziun ei in signal per tut ils investurs che han investau ils davos onns biars daners en nossa regiun e che planiseschan d’investar grondas summas» declara Clemens Berther, ilpresident dalla cumissiun da baghegiar CF. La vischnaunca stoppi far ils pensums da casa e mantener ed investar en l’atgna infrastructura. «Ina vischnaunca perifera sto far dapli sforzs per esser attractiva per habitar, per esser in desiderau secund domicil, sco era per esser in liug popular da vacanzas. Perquei sto l’infrastructura constar ecorrispunder al temps». La val- urisaziun dil Center Fontauna seigi perquei fetg impurtonta, declara gerau Clemens Ber- ther vinavon.

Sfidas duront e suenter il baghegiar

Il Center Fontauna, ch’exista gia dapi 40 onns, daventa pli attractivs. Sper in niev local adattaus per sports da sanadade fitness vegn era il spazi da reiver e bouldrar engrondius. Pils sportists daventan quels locals pli interessants e porschan dapli variaziun. La finamira ei da crear ina purschida per giuven e vegl. Sentupadas sportivas e culturalas, sco era divertiment e recreaziun dueien haver plaz el Center Fontauna. La cumissiun da baghegiar ei perschuadida, che quell’investiziun augmenta las attractivitads turisticas en nossa vischnaunca e regiun.

Rodund 15’000 pernottaziuns generescha il Center Fontauna egl alloschi cun gruppas d’af- fons e giuvenils. Quei ein ilshosps da damaun per nossa regiun turistica. Vinavon dat ei era discuors cun l’armada d’activar igl alloschi per truppasels temps denter sesiun. In augment dallas entradas ei en vesta dalla gronda investiziun indispensabels.

Gib hier deine Überschrift einIl menaschi resta en funcziun

Tgi che ha gia inaga midau casa sa tgei che quei munta da pachetar e transportar tut enzanua auter. Il Center Fontaunamida buca casa e tuttina ei quei empau semegliont. Per saver entscheiver cullas lavurs ha ei num svidar numerus locals e far plaz als mistergners. Mo auter che tier il midarcasa sto tut igl inventari restar zanua el liug e savens sto quel era aunc esser accessibels, per ch’il menaschi funcziuneschi ton sco pusseivel senza impedi- ments. Quei munta ina gronda sfida per il meinaproject Gioni Cavelti(cavelti derungs sa, Laax). El sto coordinar las lavurs ensemen cul menaschi e tuttina mirar da buca piarder temps e saver tener en il plan da termins.

Pliras etappas

Las lavurs che han ussa entschiet cuozan entochen la stad 2024. Sco emprem vegn la part sut la halla da tennisbaghegiada ora. Leu vegn construiu in nova stanza da fitness sco era ina localitad per sports da sanadad, fitness da gruppa ni era per sesidas e seminaris. Sper quei dat ei el plaunterren novas gardarobas cun duschas ed indrezs sanitars. En ina secunda etappa vegn l’entrada existenta disfatga ed ei vegn construiu la nova caffetaria. Duront igl unviern 2023/24 vegnan silsuenter las lavurs internas exequidas. La tiarza etappa cumpeglia la nova part da bouldrar, la halla da reiver ed il plantschiu dalla halla da tennis. Sco davos vegn igl implont fotovoltaic montaus sil tetg e las fatschadas sco era il contuorn renovai.

Sche tut va sco planisau vegn il Center Fonrtauna inauguraus cun ina gronda fiasta per la populaziun ils 24 d’uost 2024.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest

Schreibe einen Kommentar

Deine E-Mail-Adresse wird nicht veröffentlicht.

Subscribe to our newsletter

Sign up to receive updates, promotions, and sneak peaks of upcoming products. Plus 20% off your next order.

Promotion nulla vitae elit libero a pharetra augue