Il project Center Fontauna ei in project d’innovaziun, amplificaziun ed engrondiment cumplessiv dil Center. Ils stabiliments ch’ein vegni baghegiai avon 40 onns han basegns d’ina sanaziun. Damai ch’il center ei sesviluppaus en quels onns ed ei ha era dau novas stabiliments vidlunder drova ei era ina reorganisaziun dallas localitads. D’ina vart per ch’igl access pils hosps ei pli clars mo era per l’organisaziun dil menaschi sco tal. El medem mument vegn era il grond spazi che vegn buca nezegiaus baghegiaus ora ed integraus ellas purschidas dil Center Fontauna. Aschi dat quei spazi per novas purschidas ed augmenta l’attractivitad dil center ton per hosps indigens sco era hosps da vacanzas. El messadi da votaziun ein las midadas descrettas. Vinavon dat ei cheu visualisaziun, videos ed ulteriurs documents.