Dapi l’entschatta dall’jamna vesan ins era gia naven dalla via ch’ei marscha zatgei tier nus. L’entrada dil Center Fontauna ha stuiu untgir.
Gia dapi varga dus meins vegn baghegiau el Center Fontauna. Bia da quellas lavurs han ins gnanc viu buca. Tochen ussa era il plazzal sut la halla da tennis. Leu ein las lavurs gia s’avanzadas stupent. Ins vesa gia las singulas stanzas e sa aschia gia s’imaginar las grondezias da quellas.
L’entrada principala dil Center Fontauna ei svanida. Leu ein nuot da veser pli digl esch, da duschas, tualettas e gardarobas ed era il biro ein naven.
L’entrada ei ussa davos il Center Fontauna sur il palancau per aschia sparter il plazzal ed ils hosps e minimar aschi fetg sco pusseivel ch’ei dat accidents entras persunas che vegnan tschaffadas dils gronds vehichels. Nus supplichein da setener vid las signalisaziuns e buca ir sil plazzal.