Las lavurs da planisaziun progredeschan

Bugen informescha la cumissiun da baghegiar Center Fontauna, che consista dallas persunas sutnumnadas, sur dil stan dalla lavur pertuccont l’innovaziun dil Center Fontauna.

Clemens Berther, president; Alfons Quinter, vicepresident; Anja Klittich Berther; Roland Cajacob, Giusep Lozza. Cun vusch consultativa fan part il responsabel dall’infrastructura communala Ervin Maissen ed il meinafatschenta Center Fontauna, Gion Hosang.

Dapi igl onn 2017 essan nus vidlunder da retschercar e planisar nies Center Fontauna a Mustér. Ils 27 da settember 2020 ha il suveran dalla vischnaunca da Mustér concediu il credit da 8,69 milliuns francs per  la realisaziun ed innovaziun dil Center Fontauna cun in fetg clar gie da 65%.

Igl entir credit per l’innovaziun dil Center Fontauna ei calculaus cun frs. 10.6 milliuns.

Suenter il gie dalla populaziun ei il biro d’architectura huonder bisquolm ius ladinamein vid la preparaziun dalla damonda da baghegiar. La fin digl onn 2020 ei la damonda da baghegiar vegnida inoltrada e la lubientscha da baghegiar ei vegnida concedida la primavera 2021.

Parallel ei la cumissiun da baghegiar vegnida obligada, muort il dretg da submissiun, da publicar danovamein la lavur d’architectura e dil menaschi da baghegiar per la proxima fasa da baghegiar. Per quella fasa ha il biro d’architectura huonder bisquolm, tenor il dretg vertent buca astgau offerir.

Nus havein fatg la submissiun e la giuria ha valetau tut ils criteris. Tenor il dretg da submissiun ei vegniu proponiu alla suprastonza communala la pli favoreivla offerta, naturalmein cun las referenzas necessarias. Sin fundament da quels criteris ei  il biro Cavelti Derungs SA Laax cun Gioni Cavelti ensemen cun il subplanisader,  architect Tobias Anderegg dad Eggersriet vegnius incaricaus cun quella lavur.

Quella lavur da submissiun ed evaluaziun ha cuzzau circa miez onn.

Plinavon havein nus era fatg la submissiun pils planisaders dil fatg. Tenor ils resultats da quella submissiun ein suandonts planisaders dil fatg vegni incaricai:

  • Inschignier da construcziun: Caprez Ingenieure AG, Glion
  • Planisaziun dallas installaziuns sanitaras, scaldament e ventilaziun: Hendry SA, Sedrun
  • Planisaziun dallas installaziuns d’energia ed electro: Nay Engineering AG, Cuera
  • L’investiziun, planisaziun ed installaziun dalla fotovoltaica vegn realisada dalla REPOWER Puschlav.

Per la cussegliaziun independenta tenor basegns sa la cumissiun da baghegiar Center Fontauna clamar il biro Simeon Baumanagement SA, Trun.

 

 

Sche tut va ussa sco planisau vesa il program da lavur ora suandontamein:

  • Planisaziun e coordinaziun november 2021 tochen fin fevrer 2022
  • Planisaziun en detagl tochen fin zercladur 2022
  • Submissiun dils mistergners schaner 2022 tochen fin zercladur 2022
  • Entschatta dallas lavurs fin matg 2022
  • Ils suandonts tiarms da finiziun per las diversas parts dil project Center Fontauna ein previ:
    • las localitads da fitness, aerobig, joga e spinning sco era la cafeteria la stad  2023
    • la halla da tennis, reiver, bouldrar e la stanza da giugs atun 2023
    • las fatschadas, tetgs e contuorn la stad 2024
  • Fin dil project d’innovaziun Center Fontauna la stad 2024

 

Duront las lavurs da baghegiar eis ei planisau da tener aviert las purschidas dil Center Fontauna ch’ein buca directamein pertuccadas.

Per la cumissiun da baghegiar Center Fontauna, Clemens Berther

Facebook
Twitter
LinkedIn
Pinterest

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert

Davosas novitads
Subscribe to our newsletter

Sign up to receive updates, promotions, and sneak peaks of upcoming products. Plus 20% off your next order.

Promotion nulla vitae elit libero a pharetra augue