Tier in project dil maun public sco quel dil Center Fontauna dat ei la lescha da submissiun che definescha co lavurs ston vegnir screttas ora e surdadas.
Las lavurs grondas sco las lavurs d’impressari, installaziuns d’electro e ventilaziun e scaldament ein vegnidas screttas ora e las offertas ein vegnidas inoltradas. Oz ei l’avertura dallas offertas stada alla quala ils offerents han saviu prender investa. Ils magliacs da cuviartas ein vegni aviarts ed igl ei vegniu mirau sche las offertas ein vegnidas inoltradas sil termin ed ein cumpletas. Il proxim pass ei da controllar las offertas el detagl e silsuenter sa la cumissiun da baghegiar CF decider tgi che survegn las lavurs.
El decuors dil matg vegnan ils plazzals da lavur drzai en aschia che las lavurs san entscheiver il zercladur.
