Venderdis, ils 22.4.2022 ei vegniu informau en halla da tennis dil Center Fontauna davart l’entschatta dallas lavurs dil project da valurisaziun Center fontauna. Rodund 300 persunas ein stadas presentas.
Clemens Berther, il president dalla cumissiun da baghegiar, ha informau la populaziun che las lavurs entscheivan 25 d’avrel. L’emprema etappa cumpeglia il plaunterren. Cunzun sut la halla da tennis, denton era tut ils magazins che sesanflan sin quei plaun. Dil project da 10,6 milliuns francs ei gia vegniu surdau tochen ussa lavurs per 5 milliuns.
